Helping Hand අත්වැල - අංක 01.6 - භාණ්ඩ සමීක්ෂණ කාලරාමුව

Helping Hand (Sri Lanka Accountant Service)

By Upali Rajapaksa

අත්වැල - පාඩම අංක 01. 6  

භාණ්ඩ සමීක්ෂණ කාල රාමුවට  අනුගත  වෙමු 


මා ඔබට අත්වැල - පාඩම අංක 01. 5 හිදී  මීළඟට  භාණ්ඩ සමීක්ෂණය සඳහා වන පූර්ව  සුදානම පිළිබඳ පාඩම ඉදිරිපත් කරන බව සඳහන් කලද , ඊට පෙර අවධානය යොමු කල යුතු උක්ත පාඩමට ඔබගේ අවධානය යොමු කරවමි . 

අදාල වන රෙගුලාසි 

• මු .රෙ .128(1)ඉ 

• මු .රෙ .527

• මු .රෙ .756

අදාල වන චක්‍රලේඛය 

අංක PFD /RED /03/03/01 හා 2016.03.31 දිනැති රාජ්‍ය 

මුදල් චක්‍රලේඛ අංක 5/2016

පළමුවන කාල රාමුව 

අමාත්‍යංශ /දෙපාර්තමේන්තු /දිස්ත්‍රික් ලේකම් කාර්යාල - මේවාට අදාලව ප්‍රාදේශීය කාර්යාල නොමැති නම්,

1. ප්‍රවර්තන වර්ෂයේ දෙසැම්බර් මස 15 දිනට පෙර, භාණ්ඩ සමීක්ෂණ මණ්ඩල පත් කර අවසන් කිරීම .
2. ඊළඟ වර්ෂයේ ජනවාරි මස 15 දිනට පෙර, භාණ්ඩ සමීක්ෂණ කටයුතු සිදුකර අවසන් කිරීම. 
3. එම වර්ෂයේම ජනවාරි මස 29 දිනට පෙර, භාණ්ඩ සමීක්ෂණ වාර්තාව දෙපාර්තමේන්තු ප්‍රධානියා /අමාත්‍යංශ ලේකම් වෙත ඉදිරිපත් කිරීම.
4. එම වර්ෂයේම පෙබරවාරි මස 17 දිනට පෙර, භාණ්ඩ සමීක්ෂණ වාර්තාව පරිදි දෙපාර්තමේන්තු ප්‍රධානියා /අමාත්‍යංශ ලේකම් විසින් ඌනතා හා අතිරික්තතා පිළිබඳ අදාළ ආයතනය වෙත දන්වා යැවීම හා අවශ්‍ය ක්‍රියාමාර්ග ගැනීම සහ අපහරණ නියෝගය ලබා දීම .
5. එම වර්ෂයේම පෙබරවාරි මස 26 දිනට පෙර, භාණ්ඩ සමීක්ෂණ වාර්තාව සමඟ ඉදිරිපත් කොට ඇති පොදු 47 වාර්තාවෙහි සඳහන් නිර්දේශ අනුව අපහරණ කටයුතු සිදු කිරීම හා එම වාර්තාව දෙපාර්තමේන්තු ප්‍රධානියා /අමාත්‍යංශ ලේකම් වෙත යොමු කිරීම .
6. එම වර්ෂයේම මාර්තු මස 17 දිනට පෙර, භාණ්ඩ සමීක්ෂණ වාර්තාව ප්‍රධාන ගණන් දීමේ නිලධාරියට පිටපතක් සහිතව විගණකාධිපති වෙත යොමු කිරීම .
7. එම වර්ෂයේම මාර්තු මස 31 දිනට පෙර, සියළු කටයුතු අවසන් කර භාණ්ඩ සමීක්ෂණ වාර්තාව විගණකාධිපති වෙත යොමු කර් ඇති බව දන්වමින් රාජ්‍ය මුදල් අධ්‍යක්ෂ ජනරාල් වෙත එහි පිටපතක් යොමු කිරීම .

දෙවන කාල රාමුව 

අමාත්‍යංශ /දෙපාර්තමේන්තු /දිස්ත්‍රික් ලේකම් කාර්යාල - මේවාට අදාලව ප්‍රාදේශීය කාර්යාල පවතින්නේ නම්, 

1. ප්‍රවර්තන වර්ෂයේ දෙසැම්බර් මස 15 දිනට පෙර, භාණ්ඩ සමීක්ෂණ මණ්ඩල පත් කර අවසන් කිරීම .
2. ඊළඟ වර්ෂයේ මාර්තු මස 15 දිනට පෙර, භාණ්ඩ සමීක්ෂණ කටයුතු සිදුකර අවසන් කිරීම. 
3. එම වර්ෂයේම මාර්තු මස 31 දිනට පෙර, භාණ්ඩ සමීක්ෂණ වාර්තාව දෙපාර්තමේන්තු ප්‍රධානියා /අමාත්‍යංශ ලේකම් වෙත ඉදිරිපත් කිරීම.
4. එම වර්ෂයේම අප්‍රේල් මස 15 දිනට පෙර, භාණ්ඩ සමීක්ෂණ වාර්තාව පරිදි දෙපාර්තමේන්තු ප්‍රධානියා /අමාත්‍යංශ ලේකම් විසින් ඌනතා හා අතිරික්තතා පිළිබඳ අදාළ ආයතනය වෙත දන්වා යැවීම හා අවශ්‍ය ක්‍රියාමාර්ග ගැනීම සහ අපහරණ නියෝගය ලබා දීම .
5. එම වර්ෂයේම අප්‍රේල් මස 30 දිනට පෙර, භාණ්ඩ සමීක්ෂණ වාර්තාව සමඟ ඉදිරිපත් කොට ඇති පොදු 47 වාර්තාවෙහි සඳහන් නිර්දේශ අනුව අපහරණ කටයුතු සිදු කිරීම හා එම වාර්තාව දෙපාර්තමේන්තු ප්‍රධානියා /අමාත්‍යංශ ලේකම් වෙත යොමු කිරීම .
6. එම වර්ෂයේම ජුනි මස 15 දිනට පෙර,භාණ්ඩ සමීක්ෂණ වාර්තාව ප්‍රධාන ගණන් දීමේ නිලධාරියට පිටපතක් සහිතව විගණකාධිපති වෙත යොමු කිරීම .
7. එම වර්ෂයේම ජුනි මස 30 දිනට පෙර, සියළු කටයුතු අවසන් කර භාණ්ඩ සමීක්ෂණ වාර්තාව විගණකාධිපති වෙත යොමු කර් ඇති බව දන්වමින් රාජ්‍ය මුදල් අධ්‍යක්ෂ ජනරාල් වෙත එහි පිටපතක් යොමු කිරීම .

භාණ්ඩ සමීක්ෂණය සඳහා වන පූර්ව  සුදානම

පිළිබඳ පාඩම  සමඟින් නැවත හමුවෙමු .